广东客家派崔氏

崔洪辉河南 · 发表于 2017-2-5 12:34:09

广东客家派崔氏系广东三大派入面最后一批迁入广东嘅，迁入嘅年代系明朝英宗时期，离依家已经有五百几年历史啦。广东客家派崔氏聚居喺广东龙川县，始迁祖叫成章公。根据族谱记载，明朝迁入广东个阵就已经带住旧族谱过嚟噶啦，所以龙川崔氏最远可以追溯到成章公嘅高祖父（即系太太公）崔世宗。龙川族谱嘅“祖之由来·福建省汀州府宁化县清化图”系甘记载嘅：

[blockquote]
成章公娶妻郭氏，生三子，长绅孙、次缙孙、三继孙。吾祖成章公听闻广东征剿太平，圣旨张挂招军民开垦承粮安户，始祖成章公同男三人前往广东循州，俱各安居。…天顺三年岁次戊寅七月初九日成章公仙游，请得姑夫骆季谦所理殡葬板塘寨子下庚山甲向…当日兄弟三人写立合同族谱三本，当坟盟言，历代不得失义忘祖。…[/blockquote]

成章公系喺明正统三年（1438年），由福建宁化迁至循州（即系依家嘅广东龙川），喺明天顺三年（1458年）七月初九日去世。佢嘅三个仔喺成章公嘅坟前立誓，族谱、合同一式三份，应承世世代代都唔可以忘记自己嘅太公。

甘成章公点解会嚟广东噶呢？呢个就需要查一查历史嚟考证啦。成章公系喺明英宗嘅正统年迁嚟广东嘅。根据《明英宗实录·卷二十九》记载，河南巡抚史苑恪曾云：

[blockquote]
有因原籍赋税浩繁、家道贫窘者；有因犯强窃盗、劫杀人命、越狱在逃、赦所不原者；有因为事发充军脱逃者，至今三四十年。[/blockquote]

由于北方战乱，地方收税过重，再加上自然灾害导致嘅饥荒，大量百姓带住老婆仔女离开家乡，甘就导致一个严重嘅社会问题——就系“流民”啦。呢啲流民居无定所，而且又冇户籍，好难管理，朝廷冇办法向呢啲人征税。所以当时就颁发咗命令：

[blockquote]
有罪犯者，法司销豁；军匠逃者，该部优免；愿回原籍或愿留流移所在占籍，皆听从其便。[/blockquote]

所以正统年间有咗优惠政策，俾流民可以选择翻乡下，减免赋税。同时，如果唔想翻乡下，就可以留喺依家嘅地方，攞到当地嘅户籍。朝廷仲通过普查，核实逃户嘅户口、人丁同赋税情况，写出一套《逃户周知册》。一嚟可以安定民心，二嚟又可以便于管理。所以当年成章公就系因为知道有呢个政策，离开福建，嚟到广东龙川入籍啦。

龙川崔氏喺广东嘅人口虽然唔多，而且喺广东省内嘅分布唔广，但系佢喺外省嘅分布就非常之广啦。由于客家人历嚟有开拓精神，又有移民嘅文化，所以到咗清代，出现“湖广填四川”嘅政策后，有大批嘅龙川崔氏北上江西、湖南、四川等地方定居。客家人好重视教育，而且寻根意识强，所以走嘅时候都会带埋族谱。依家江西上犹、江西崇义、江西吉安、江西大余、湖南桂东、湖南炎陵、四川威远、四川绵阳等地方嘅崔氏都系龙川分出去噶！族谱脉络清晰，全部都接得上。所以你话，客家人系唔系好犀利呢！

后话：江西上犹、湖南桂东崔氏由龙川迁出之后，有四百年冇翻龙川联宗。通过网上联络，小编同江西上犹、湖南桂东嘅崔氏宗亲喺2011年相聚龙川，同龙川嘅宗亲进行咗四百年第一次嘅联宗活动！三地嘅宗亲都好激动，龙川嘅宗亲又非常热情，带住多年“失散”嘅兄弟姐妹去祠堂、祖坟拜祭。

/ W: }7 ~) r- Z: ?

崔海滨蚌埠 · 发表于 2017-2-5 18:57:28

好帖

崔志国 · 发表于 2017-2-8 21:38:41

本家辛苦了，谢谢本家分享！

崔宏淼 · 发表于 2017-7-22 18:43:59

这帖子怎么现在没看到呢，那段时间我干什么去了？

2011年第一次联宗，历历在目，今年四川的本家也回家了，希望有此联络平台，我们要做好我事情还很多，期待下一次的大联欢。

		自动登录	找回密码
密码			立即注册

精彩图文

广东客家派崔氏